《內堂月結》
假如要我用四個字黎形容八月份既倉位，我會用「峰迴路轉」。受內地監管風暴既影響，恆指响月中穿過七月底既低位，模擬倉亦一度錄得12%既虧損，倉值落到110萬樓下。當時我好沮喪，原因係市場既恐慌已經蓋過左分析。明明資金面一直背馳，但係阿爺日日出招。理性話我知我唔應該沽，但就連內堂都有人日日問我：點解唔沽？
最後，我選擇左相信自己。沉著迎戰，最終挨出頭來。月底倒賺，係戲劇性既，但係唔係僥倖：我好信圖，我知多頭就係好；而我更加知道，順國策既野，衰極都有個譜。所以，我唔理個市中間有幾差，一直揸實天然氣、汽車同新能源三隻股。結果，係佢地响月底既走勢大放異彩。當然，科技股既沽壓緩和，自谷底反彈，都幫左我唔少。
展望後市，我見個別如美團（3690）等大股已企穩返頸線，便繼續靜待恆指／科指收復26700／7000點。未來，我會繼續將子彈集中响強勢既股份身上，坐艇既我唔溝住，由得佢，彈得幾多得幾多。目前既我只得一個想法，就係响最短既時間內衝200萬！達標之後，我會試啲新野，俾自己開心啲，俾大家賺多啲。我好期待果一日來臨！
我信我可以！
💪🏽
#內堂 #領軍倉 #模擬組合 #月結
Search